रिचार्ज कार्डमा निःशुल्क सिमकार्ड
कास
काठमाडौं, कार्तिक २८ - मेरो मोबाइलले ५ सय रुपैयाँभन्दा बढीको रिचार्ज गर्ने ग्राहकलाई नयाँ सिमकार्ड निःशुल्क उपहार दिने भएको छ ।
कम्पनीले उपभोक्ता संख्या बढाउने उद्देश्यले एक सातासम्मका लागि यो कार्यक्रम घोषणा गरेको हो । रिचार्ज कार्ड खरिद गर्दा आफन्त र साथीभाइको नाममा नयाँ सिमकार्ड लिन सक्नेछन् । नयाँ सिमकार्ड निःशुल्क भए पनि लिने प्रक्रिया साविकबमोजिमकै भएको कम्पनीले जनाएको छ । रिचार्ज गर्दा नयाँ सिमकार्ड लिने व्यक्तिको नागरिकता वा सवारीचालक अनुमतिपत्र पेस गर्नुपर्ने कम्पनीको विज्ञप्तिमा उल्लेख छ । मेरो मोबाइलले यो कार्यक्रम मंसिर ५ गतेसम्म सुचारु हुने जनाएको छ । यो सेवा हालका लागि काठमाडौं उपत्यकामा मात्र सीमित भएको पनि कम्पनीले जनाएको छ ।
No comments:
Post a Comment