सुरक्षा माग्दै वकिलहरुद्वारा ज्ञापनपत्र पेश
कानुन-व्यवसायीहरूको छाता संगठन नेपाल बार एसोसिएसनले सुरक्षालगायतका पा“च सूत्रीय मागसहित बिहीबार प्रधानमन्त्री कार्यालयमा ज्ञापनपत्र बुझाएको छ ।
निर्धारित समयमै संविधानसभाको निर्वाचन हुनुपर्ने, निर्वाचनका लागि शान्ति र भयमुक्त वातावरणको सिर्जना गरिनुपर्ने, दण्डहीनताको अन्त्य गर्दै आपराधिक क्रियाकलापमा संलग्न व्यक्ति र समूहलाई कानुनको दायरामा ल्याई कारबाही गर्नुपर्ने र कानुन-व्यवसायीको जीउधनको सुरक्षा तथा व्यवसायमा देखिएका चुनौतीको समाधान गर्न तत्काल विशेष सुरक्षा योजना निर्माण हुनुपर्ने माग बारको ज्ञापनपत्रमा उल्लेख छन् ।
नेपाल बार एशोसियशनका अध्यक्ष विश्वकान्त मैनाली र महासचिव रमनकुमार श्रेष्ठद्वारा संयुक्त हस्ताक्षरित ज्ञापनपत्रमा लोकतन्त्रपछि कानुन-व्यवसायीको घरमा घेरा हाल्ने, मानसिक दबाब दिने, घरमा बम विस्फोट गराउने जस्ता कार्य भएको र कानुन-व्यवसायी विस्थापित हुने क्रम बढ्दै गएकोतर्फ सरकारको ध्यानाकर्षण गराइएको छ । 'स्वतन्त्रतापूर्वक आङ्खनो व्यवसाय सञ्चालन गर्न पाउने स्थितिको सृजना गर्न सरकारले विशेष सुरक्षा योजना निर्माण गरी सुरक्षाको प्रत्याभूति यथाशीघ्र दिनुपर्छ भन्ने जोडदार माग राख्दछौं,' ज्ञापनपत्रमा भनिएको छ ।
प्रधानमन्त्रीनिवास बालुवाटार पुगेका कानुन-व्यवसायीलाई प्रधानमन्त्री गिरिजाप्रसाद कोइरालाले भेट नदिएपछि प्रधानमन्त्रीको कार्यालय सिंहदरबारमा ज्ञापनपत्र बुझाइएको थियो । बालुवाटारमा प्रधानमन्त्रीले आफू शर्षि बैठकका लागि छलफलमा व्यस्त रहेको भन्दै ज्ञापनपत्र बुझन कर्मचारी पठाएपछि वकिलहरू क्रुद्ध बन्दै सिंहदरबारतर्फ गएका थिए ।
नेपाल बारबाट जुलुस निकालेर कानुन-व्यवसायीहरू ज्ञापनपत्र बुझाउन गएका थिए । जुलुस सुरु हुनुअघि बार अध्यक्ष विश्वकान्त मैनालीले कानुन-व्यवसायीलाई सम्बोधन गरेका थिए ।
No comments:
Post a Comment